Ylli i kombëtares kroate, Luka Modriq ka mbetur i pakënaqur me ndarjen e drejtësisë nga gjyqtari italian, Daniele Orsato, në ndeshjen ndaj Argjentinës.
Argjentina fitoi me rezultat 3:0, teksa ecurinë e golave e nisën pas një penalltie të diskutueshme nga kroatët.
Pas ndeshjes, Modriq shfryu inatin e tij ndaj gjyqtarit Orsato. Sipas tij ai është një katastrofë.
“Për mua nuk ishte penallti. Nuk më pëlqen të flas për referimin, por sot është e pamundur mos të flasësh për të, pasi ai është njëri prej më të dobëtëve që unë njoh. Jo vetëm për lojën e sotshme, unë e kam takuar atë edhe në ndeshje tjera dhe nuk kam pasur kurrë kujtime të mira. Ai është katastrofë”, ka thënë Modriq.
Kroacia u eliminua nga Kupa e Botës, ndërsa Argjentina vazhdoi tutje ku të dielën do të takohet në finale me fituesin e takimit, Francë-Maroko.