Argjentina e ka mbyllur pjesën e parë në epërsi prej dy golave, përball Francës.
Lionel Messi shënoi golin e parë për skuadrën e Scalonit. Ai realizoi nga penalltia në minutën e 23-të të ndeshjes, duke realizuar golin e tij të parë në karrierë në një finale të Kupës së Botës.
Penalltia e shënuar nga Messi u fitua nga Di Maria pasi ai u ndal në mënyrë të pa lejuar nga Dembele.
Di Maria arriti të realizonte më vonë golin e dytë për Argjentinën. Ai shënoi në minutën e 36-të.
Argjentina është duke udhëhequr me rezultat 2:0, ndërsa Franca ka kohë edhe 45 minuta tjerë për të ndryshuar rezultatin.
Gjatë pjesës së parë rreziku i vetëm për Argjentinën ishte një goditje me kokë nga Giroud e cila shkoi jashtë portës.
Të dyja kombëtaret kanë nga dy trofe të fituar. Titullin e fundit Argjentina e ka fituar në vitin 1986, kurse Franca është shpallur kampion edicionin e kaluar.