Shtëpia e Lionel Messit në Rosario është “pushtuar” nga qindra tifozë të Argjentinës që u mblodhën për ta falënderuar sulmuesin argjentinas.
Messi ka përfunduar festën me ekipin në kryeqytetin argjentinas, teksa ka udhëtuar së bashku me Di Marian dhe Dybalan drejt qytetit të vendlindjes, Rosario.
Futbollistët udhëtuan me helikopter, ndërsa në lagjen e Messit ishin mbledhur qindra tifozë.
Megjithëse ishte ndërtuar një gardh për ti mbajtur larg tifozët ata arritën ta largonin kordonin e sigurisë duke u afruar afër Messit.
Ylli argjentinas ishte i shoqëruar nga gruaja e tij, ndërsa fansat i përcollën derisa ata u futën në shtëpi.
Triumfit 36-vjeçar në Kupën e Botës i janë gëzuar tej mase argjentiansit. Rreth 5 milionë njerëz morën pjesën në Buenos Aires në paradën e fitores, duke thyer çdo rekord.