Gjyqtari i njohur spanjoll, Antonio Mateu Lahoz ka vendosur ti jep fund karrierës së tij shumë vjeçare si gjyqtar i futbollit pas ndëshkimit nga Federata Spanjolle e Futbollit.
Lahoz është kritikuar mjaftë për ndarjen e drejtësisë në dy ndeshjet e fundit, në Kupën e Botës dhe në La Liga.
Pasi u largua nga Kupa e Botës, Lahoz javën e kaluar ndau drejtësinë në La Liga por as aty nuk shpëtoi pa dënim.
Ai vendos një rekord për ndarjen e kartonëve në Kupën e Botës dhe në La Liga. Federata Spanjolle e Futbollit e ndëshkoi atë duke e lënë pa ndeshje këtë fundjavë, teksa nuk dihet nëse do ti besohet ndarja e drejtësisë edhe në javët e ardhshme.
Pas vendimit të federatës, Lahoz ka njoftuar se ai do ti jap fund karrierës në fund të këtij sezoni.
Gjyqtari 45-vjeçar shihej si njëri prej arbitrave kryesor viteve të fundit në arenën evropiane.