Ylli i Argjentinës, Lionel Messi ka marrë një ofertë të çmendur për ta vazhduar karrierën në Arabinë Saudite pas transferimit të Cristiano Ronaldos.
Të enjten është raportuar se rivali i madh i Al-Nassr që siguroi shërbimet e Ronaldos, Al-Hilal po përpiqet ta bind Messin që t’i bashkohet në fund të këtij sezoni kur i skadon kontrata me Paris Saint-Germainin.
“Mundo Deportivo” raporton se Messit i është ofruar pagë vjetore prej 300 milionë eurosh dhe thuhet se babai i tij, Jorge që është edhe agjent tashmë është në Riad për të diskutuar me krerët e Al-Hilalit.