Barcelona arriti të kualifikohet në finale të SuperKupës së Spanjës pasi mposhti në gjysmëfinale Real Betisin pas penalltive. Në finale, Barcelona do të takohet me Real Madridin.
Tekniku i blaugranave pas ndeshjes, u shpreh se atij i pëlqen të luaj gjithnjë kundër më të mirëve.
“Është një finale e shumëdëshiruar dhedo të kërkojmë me çdo kusht titullin. Unë dua gjithnjë të luaj kundër më të mirëve dhe të fitoj. Është një titull i rëndësishëm që mund t’i japë shumë moral sezonit tonë.
Synimi ynë është të luftojmë për tre titujt në të cilët jemi në lojë. Sa i përket aspektit të lojës, do të duhej të ishim treguar më të zotë në momentin kur nuk e kishim topin në kontroll. Ia komplikuam jetën vetes, kjo edhe për shkak se Betis është një kundërshtar shumë i fortë. Duhet të bëjmë edhe autokritikë pasi mund të bëjmë shumë më shumë në këtë sezon dhe të marrim më të mirën”, u shpreh Xavi.
Kujtojmë se finalja e Superkupës së Spanjës do të luhet të dielën në Arabinë Saudite duke filluar prej orës 20:00.