Ndaj kryetarit të LDK-së, Lumir Abdixhiku, dhe deputetëve të kësaj partie, Armend Zemaj, Avdullah Hoti e Arben Gashi është planifikuar një atentat për eliminimin e tyre.
Kësisoj, Zemaj u shpreh se ky lajm ka shqetësuar familjet e të kërcënuarve dhe mbarë popullin e Kosovës.
“Ne duhet të besojmë në organet tona të sigurisë, pavarësisht nga përvojat jo të mira nga e kaluara. Nuk është mirë që kemi këso informacione, por shpresojnë se organet e sigurisë do të bëjnë punën e tyre për të sqaruar rastin”, tha ai në Kanal 10.
Mes tjerash, ai tregoi se Policia e Kosovës është në kontakt me Abdixhikun dhe zyrtarët e tjerë të LDK-së që janë kanosur.
“Është në duar në Policisë së Kosovës shtjellimi i rastit. Ne jemi institucionalista dhe presim të shohim se çfarë do të hetojnë”, shtoi ai, ndërsa theksoi se rasti është informuar gjatë 24 orëve të fundit.