Një person ka mbetur i lënduar pasi dyshohet se ka rënë nga lartësia e një objekti në Fushë Kosovë.
Policia e Kosovës ka konfirmuar për Reporteri.net se rasti ka ndodhur rreth orës 13:40, dhe i njëjti është dërguar për tretman mjekësor në QKUK.
“Sot rreth orës 13:40, kemi pranuar informatën se në rrugën “Gjergj Fishta” në Fushë Kosovë, një person (mashkull), ka pësuar lëndime trupore, i njëjti dyshohet se ka rënë prej një objekti. Personi i lënduar është dërguar për tretman mjekësor në QKUK”- ka thënë, zëdhënësja e Policisë, Flora Ahmeti.
Në vendin e ngjarjes kanë dalë njësitet e nevojshme policore të cilët kanë filluar hetimet, në koordinim me prokurorinë dhe Inspektoratin e Punës.
Ndërkohë, Kallxo.com ka publikuar pamje nga vendi ku ka ndodhur rasti.
