Marrëdhëniet e nxehta midis SHBA-së dhe Kinës kanë qenë të këqija për një kohë të gjatë dhe dy administratat e fundit amerikane, ajo e Trump dhe Biden, kanë thënë publikisht se frenimi i Kinës dhe konkurrenca gjeopolitike me të, është detyra më e rëndësishme e politikës së jashtme të Shteteve të Bashkuara.
Xi u ka premtuar kinezëve të ribashkojë ishujt me Kinën kontinentale dhe Pekini ka thënë publikisht se qëllimi është ta bëjë këtë në mënyrë paqësore, por në të njëjtën kohë refuzon të përjashtojë forcën si një mjet për ribashkim.
Shtetet e Bashkuara kanë thënë prej kohësh se nuk do të lejojnë që trupat amerikane të përplasen me rusët në Ukrainë.
Një dokument i destinuar për përdorim të brendshëm të ushtrisë amerikane parashikon se lufta midis Kinës dhe SHBA-së për Tajvanin do të shpërthente brenda dy vitesh.
“Shpresoj se jam gabim, por kam një ndjenjë se do të luftojmë në vitin 2025”, kjo fjali është më e zëshmja në letrën e dërguar dhjetë ditë më parë oficerëve të tij nga gjenerali amerikan, Mike Minihan, komandant i Komandës së Lëvizshmërisë Ajrore, e cila ka 110,000 ushtarë.
Me këtë, në një dokument të destinuar për përdorim të brendshëm të ushtrisë, ai në fakt parashikoi se pas dy vitesh do të shpërthente lufta midis Kinës dhe Shteteve të Bashkuara të Amerikës për Tajvanin.
Letra e tij u publikua nga NBC dhe një pjesë e mirë e publikut u shqetësua: A do të thotë kjo se pashmangshmërisht do të pasojë një luftë midis Kinës dhe SHBA-së, e cila mund të çojë potencialisht në luftën e tretë botërore?
Letra e këtij gjenerali padyshim që shqetësoi jo vetëm amerikanët, por edhe shumë njerëz të tjerë në botë, të cilët janë të shqetësuar për të shmangur një luftë midis dy fuqive bërthamore.
Pentagoni tha publikisht se pikëpamjet e gjeneralit nuk përfaqësonin politikën e SHBA-së. Por retorika gjithnjë e më luftarake në Uashington dhe Pekin tregon se marrëdhëniet midis dy vendeve janë ndezur. /Paparaci.com