4 persona kanë mbetur të vdekur në një aksident tragjik që ka ndodhur sonte rreth orës 19:15 në rrugën Ferizaj-Shtime.Sipas prokurorit Besnik Nuredini, i cili është në vendin e ngjarjes, në këtë aksident kanë mbetur edhe 2 persona të lënduar, të cilët janë në gjendje të rëndë.
“Në këtë aksident janë 4 persona të vdekur, të moshave të ndryshme. 4 viktimat janë në njërën veturë. Po ashtu, në veturën tjetër të përfshirë në aksident janë të lënduar rëndë dy persona, burrë e grua, të cilët janë nisur për në QKUK në Prishtinë“ – tha për KALLXO.com prokurori Besnik Nuredini.
Sipas prokurorit, katër viktimat janë në veturën “BMW”, e cila është me targa të rajonit të Ferizajt.
Ndërsa, të lënduarit janë në veturën “Mercedes” me targa të rajonit të Gjilanit.