Instituti Hidrometeorologjik i Kosovës bën të ditur se sot do të mbajë mot i vranët dhe me riga shiu, e vende –vende rigat e shiut parashihen të shoqërohen edhe me fjolla bore.
IHK njofton se temperaturat minimale do të lëvizin ndërmjet 1 dhe 3 gradë, ndërkaq maksimalet e ditës do të jenë nga 5 deri në 7 gradë.
Gjatë këtyre pesë ditëve parashihet të fryjë erë kryesisht nga verilindja me shpejtësi 1-11 m/s, ndërsa në pjesën veriore të Dukagjinit, konkretisht në Istog me rrethinë, shpejtësia e erës parashihet të jetë mbi 15m/s.