Aktorja dhe njëherësh deputetja e Kuvendit të Kosovës, Adriana Matoshi, këtë të mërkurë i është nënshtruar një operacioni në tru, pasi asaj i ishte rikthyer tumori pas 9 vitesh.
Matoshi, ka kaluar operacionin me sukses dhe tashmë është në gjendje stabile shëndetësore.
Këtë për KlanKosova.tv e konfirmoi një mike e saj, e cila tregoi se operacioni ka kaluar me sukses dhe se tashmë ka dalë nga kujdesi intensiv.
“Është mirë, në gjumë, nën efektin e terapisë pas ndërhyrjes. Po kujdesem për të gjatë gjithë kohës, së bashku me familjarët e saj”, deklaroi mikja e saj që po i qëndron afër.