Duket se karriera e Granit Xhakës te skuadra e Arsenalit po shkon drejt fundit. Mesfushori me prejardhje shqiptare është afër kalimit te skuadra e Bayern Leverkusenit.
Gazetari i njohur italian, Fabrizio Romano ka deklaruar sot se diskutimet mes Arsenalit dhe Leverkusenit për transferimin e Xhakës janë në fazën përfundimtare.
Ai pritet të largohet nga “Emirates” pasi që klubi është duke menduar për rifereskimin e skuadrës duke sjellë mesfushor të rijnë.
“Marrëveshja mes Arsenalit dhe Leverkusenit është në fazën përfundimtare për një tarifë prej 15 milionë euro – duke pritur hapat e ardhshëm për ta realizuar”, thuhet në postimin e Romanos.
Mes të tjerash, Romano ka raportuar se nuk ka interesim nga skuadra e Borussia Dortmund apo ndonjë skuadre tjetër për transferimin e Xhakës.
Xhaka është pjesë e Arsenalit prej vitit 2016 dhe ka qenë një prej lojtarëve kryesor në formacionin e Mikel Artetas. Ai ka kontratë me “Topçinjët” deri në vitin 2024.