Skuadra e Milanit tashmë e ka zyrtarizuar rinovimin e kontratës me sulmuesin portugez, Rafael Leao.
Leao ka nënshkruar kontratë me “Rossonerët” deri në verën e vitit 2028, teksa pritet të përfitojë rreth 5 milionë euro në sezon plus 2 milionë euro nga shtesat.
23-vjeçari ka një klauzolë për lirimin e tij për një shumë prej 175 milionë eurove.
Leao kishte kontratë me Milanin deri në vitin 2024, por ka vendosur të rinovojë kontratë pasi ishte i bindur për qëndrimin e tij.