Një influencues kinez është bërë i dyti që vdes brenda një muaji për shkak të sfidës së pijes drejtpërdrejtë në rrjetin social TikTok, shkruan DailyMail.
Zhong Yuan Huang Ge, 27 vjeç, i njohur gjithashtu si “Brother Huang”, vdiq nga konsumimi i tepërt i alkoolit më 2 qershor.
Vdekja u konfirmua nga gruaja e tij në median kineze Jimu News të martën, e cila ka thënë se ai po përpiqej të fitonte para për të shlyer borxhet e tij.
Ky është incidenti i dytë në një muaj, pasi influencuesi tjetër nga Kina, “Brother Three Thousand”, 34 vjeç, u gjet i vdekur menjëherë pasi u pa duke konsumuar sasi të tepërta alkooli në Douyin, versioni kinez i TikTokut.
Në një video drejtuar 176 mijë ndjekësve të tij, Huang kishte filmuar veten duke pirë dhjetëra shishe alkool.
Gruaja e tij ka thënë se do të punonte për pjesën tjetër të jetës për të paguar borxhet e tetë vjetëve të burrit të saj, sipas Straits Times.
Çifti kanë një djalë, i cili po përgatitet të fillojë kopshtin këtë vit dhe Huang kishte ndërtuar një shtëpi të re vetëm këtë vit.