Pas vendimit të Ministrisë së Industrisë, Ndërmarrësisë dhe Tregtisë, që televizionit Klan Kosova t’i merret licensa, edhe mediumet e tjera në Kosovë kanë dalë në përkrahje të Klan Kosovës.
Për këtë vendim të Qeverisë, mediumet kanë shprehur shqetësimet e tyre dhe e kanë cilësuar si ndërhyrje në lirinë e mediave.
Përveç Televizionit Dukagjini, që gjatë transmetimit kanë vendosur logon e Klan Kosovës, të njëjtën gjë e kanë bërë edhe Televizioni 7.
Për këtë ka njoftuar gazetari i T7, Shkodran Hoti, i cili ka thënë se kjo është bërë në shenjë solidarizimi.
“Solidarizim. Në T7 edhe logoja e Klan Kosova. Fantastike”, ka shkruar Hoti