Dy persona kanë pësuar lëndime trupore pas një aksidenti mes dy veturave në magjistralen Ferizaj-Kaçanik.
Lajmin për Paparacin e ka konfirmuar zëdhënësi i Policisë për rajonin e Ferizajt, Kanun Veseli.
Nga ky aksident janë shkaktuar edhe dëme materiale.
“Sot, rreth orës 16: 15 në rrugën magjsitrale Ferizaj-Kaçanik në afërsi të pikës së karburantit “IP Petrol” në Ferizaj ka ndodhur një aksident komunikacioni ku janë përfshirë dy vetura, njër me targa vendore dhe tjetra me targa të huaja. Veç dëmeve të shkaktuara materiale, lëndime trupore pësojnë dy persona, pasagjerë nga vetura me targa vendore, të cilët për ndihmë mjekësore dërgohen në Qendrën Emeregjente në Ferizaj. Njësia e Hetimeve të Aksidenteve ka dalë menjëherë në vendin e ngjarjes dhe po heton rastin”, tha ai.