Instituti Kombëtar i Shëndetësisë Publike të Kosovës, ka dalë me një përditësim të të dhënave për situatën epidemiologjike në Kosovë në dy javët e fundit lidhur me koronavirusin.
Sipas njoftimit, në dy javët e fundit (09.08.2023 – 22.08.2023) janë raportuar 46 raste pozitive dhe asnjë rast i vdekjes me COVID-19.
“Sipas grup-moshave rezulton se numri më i madh i rasteve i takojnë grup-moshave 40-49 vjeç (me 15 raste) me moshë mesatare 43 vjeç”, tuhhet në njoftimin e IKShPK-së.
“Prej rasteve të konfirmuara, sipas komunave rezulton se numri më i madh është raportuar nga komuna e Prishtinës dhe Kamenicës (me nga 14 raste), kurse incidenca më e lartë e rasteve në 100,000 banorë është raportuar në komunën e Kamenicës”, thuhet tutje në njoftim.
Përkundër rasteve të shënuara së fundi, situata epidemiologjike në Kosovë me COVID-19 sipas IKShPK-së mbetet e qetë, ndërsa “qytetarët që manifestojnë shenja të infeksionit këshillohen të testohen dhe konsultohen me mjekun për çdo dyshim në COVID-19”.