Ish-i burgosuri politik dhe ish-deputet dhe Nait Hasani, ditën e diel në Fushë-Kosovë rreth orës 14:30 është shoqëruar nga hetuesit e EULEX-it, për tri orë, në bazën e tyre në Fushë-Kosovë.
Sipas informatave që ka siguruar “Epoka e re”, shoqërimi i tij ka të bëjë me kontrollin dhe konfiskimin e telefonit me urdhër të Dhomave të Specializuara të Gjykatës Speciale.
Këto informacione janë konfirmuar nga vetë Hasani, i cili ka pohuar se policia e EULEX-it e ka ndaluar dhe për tri orë rresht është mbajtur në bazën e tyre në Fushë-Kosovë.
Hasani ka pohuar se me urdhër të Dhomave të Specializuara i është konfiskuar telefoni personal.
Paparaci, ka provuar të kontaktojë me Hasanin të mërkurën por ka qenë e pamundur të vihet në kontakt me ish-ambasadorin e Kosovës në Tiranë.