Policia e Kosovës, përmes një komunikate për media, ka njoftuar për gjetjen e eshtrave të një njeriu që dyshohet se i përkasin luftës së vitit 1998/1999.
Në komunikatë thuhet se njeriu që dyshohet se i përkasin eshtrat, figuron në Listën Kombëtare të Personave të Zhdukur me Forcë gjatë periudhës së luftës.
“Pas identifikimit të lokacionit të dyshuar, në vendin e ngjarjes përveç njësive përkatëse policore, kanë dalur edhe Komisioni Qeveritar për Persona të Zhdukur dhe Instituti i Mjekësisë Ligjore, ku pas gërmimit/ekshumimit, janë hasur gjetje eshtrore me interes forenzik që besohet se janë të trupit të njeriut dhe dyshohet se i përkasin periudhës së luftës së fundit”, thuhet në komunikatë.
Tutje, policia ka bërë të ditur se tërheqjen e gjetjeve e ka kryer Instituti i Mjekësisë Ligjore dhe i ka dërguar në IML për obduksion dhe identifikim.
“Po ashtu pas veprimeve të ndërmarra rreth këtij rasti, për këtë lokacion është lëshuar urdhëresë nga Gjykata Themelore Departamenti Special- Prishtinë dhe ky vend mban Kodin TWE”, thuhet në komunikatë.