Kombëtarja e Shqipërisë ka shënuar fitore me rezultat të thellë ndaj Çekisë, duke përforcuar pozitën e parë në Grupin E, në kuadër të kualifikimeve për Kampionatin Evropian.
Shqipëria e nisi furishëm ndeshjen, duke shënuar një supergol me Jasir Asanin, ende pa u bërë 10 minutat e parë të takimit.
Kuqezinjtë patën fat në këtë takim, duke arritur avantazhin edhe në bazë të futbollistëve në fushë pasi sulmuesi i Çekisë u ndëshkua me karton të kuq në minutën e 40-të pas një topi të prekur me dorë.
Taulant Seferi u përkujdes për t’i sjellë qetësinë tifozëve, duke dyfishuar shifrat në minutën e 51-të të takimit.
Seferi realizoi edhe për rezultatin final të takimit 3:0, në minutën e 73-të pas asistimit të Mirlind Dakut.
Pas kësaj fitoreje, Shqipëria përforcon pozitën e parë me 13 pikë, katër pikë më shumë se Polonia që ndodhet në pozitën e dytë.