Nënkryetarja e Partisë Demokratike të Kosovës, Vlora Çitaku nëpërmjet një postimi në Facebook ka thënë se më i dëmshëm është konstatimi i presidentit francez Emanuel Macron se liderët e Kosovës janë “të pabesë” sesa deklarimi për vizat.
Ajo këtë deklarim e ka bërë në debatin dhe konfuzitetin që ka shkaktuar një deklarim i Macron në Tiranë lidhur me vizat për Kosovën.
“Më i dëmshëm është konstatimi i Presidentit Macron për lidershipin e Kosovës si njerëz të pabesë që nuk e mbajnë fjalën, sesa deklarata për viza.”
Ndërkohë ajo e ka cilësuar si skandaloz reagimin e ministres së Jashtme, Donika Gërvalla.
“Ndërkohë reagimi i Ministres së Jashtme skandaloz.Diplomaci pa krye. Në rënie të lirë.”, ka thënë ajo.
Gabim i përkthyeses? Deklarata e plotë e Macron për çështjen e vizave