Klubi i futbollit Malisheva ka njoftuar se trajneri aktual i klubit, Senad Alirifa ka dhënë dorëheqje nga posti i tij.
Ai ka dhënë dorëheqje pas rezultateve jo të mira, ani pse klubi ka marrë përgjegjësinë për rezultatet e fundit.
“Trajneri Alirifa ndjeu përgjegjësinë profesionale për të dhënë dorëheqje, edhe pse përgjegjaësia për rezultatet e fundit jo të mira ishte e të gjithë neve në FC Malisheva dhe jo vetëm e tij”, thuhet në postimin e Malishevës.
Drejtimin e skuadrës për ndeshjet në vazhdim do ta marrë asistenit, Qëndrim Kida, i cili vetëm se është zyrtarizuar tashmë.
“Nga sot e tutje, pozitën e kryetrajnerit do ta marr asistenti i parë i skuadrës Qëndrim Kida, i cili edhe zyrtarisht është emëruar kryetrajner në FC Malisheva. Klubi e falenderon trajnerin Alirifa për punën profesionale dhe angazhimin e tij duke i dëshiruar suksese në të ardhmen dhe shëndet të mirë. Po ashtu përgëzojmë trajnerin e ri Kida duke i uruar suksese dhe rezultate positive në të ardhmen”, thuhet në njoftimin e klubit.