Vetëm një fitore e ka arritur Kosova e 17-vjeçarëve në tri ndeshjet kualifikuese për Euro 2024.
Përfaqësuesja U-17 është eliminuar në raundin e parë kualifikues për Kampionatin Evropian “Qipro 2024″, edhe pse të enjten fitoi kundër Ishujve Faroe, të cilët ishin “autsajder” të Grupit 9 në të cilin ndodheshin edhe Anglia dhe Kroacia.
Anglia dhe Kroacia, vendëse në këtë turne kualifikues, ia shënuan Kosovës nëntë gola në dy ndeshje. Ekipi i drejtuar nga Arbnor Morina pësoi pesë gola nga Anglia dhe katër të tjerë nga Kroacia.
Në ndeshjen e fundit, U-17 e Kosovës mposhti Ishujt Faroe me rezultat 3-1, megjithatë tri pikët ishin të pamjaftueshme për të kaluar në raundin e dytë kualifikues që njihet ndryshe si “Elite Round”.
Morina mori drejtimin e Kosovës U-17 në fillim të këtij viti.
Rezultate jo të kënaqshme gjatë këtij viti kanë shënuar edhe ekipet e tjera të grupmoshave, U-19 dhe U-21, të përfaqësueses ‘dardane’. /Paparaci.com