Një i arratisur i akuzuar për falsifikim të vdekjes së tij për të shmangur akuzat për përdhunim në Utah, është ekstraduar në SHBA nga Skocia.
Nicholas Rossi kërkohet nga autoritetet në Utah për dyshimin se ka përdhunuar një grua në vitin 2008. Ai gjithashtu përballet me akuza për dhunë në familje.
Policia e Skocisë konfirmoi se ka ndihmuar ekstradimin për të sjellë Rossin para drejtësisë, raportoi Guardian.
Rossi, i cili besohet se përdor një numër pseudonimesh, ka argumentuar vazhdimisht se e kishin ngatërruar me dikë tjetër dhe se ai është një jetim irlandez i quajtur Arthur Knight, i cili nuk kishte udhëtuar kurrë në SHBA, por një gjykatë vendosi në nëntor të 2022-s që ai ishte Rossi.