Varianti Omicron “po përhapet me shpejtësi rrufeje” në Evropë dhe ka të ngjarë të bëhet dominues në Francë nga fillimi i vitit të ardhshëm, ka paralajmëruar kryeministri francez, Jean Castex.
Ai foli të Premten, disa orë përpara se Franca të vendoste kufizime udhëtimi për ata që hynin nga Mbretëria e Bashkuar.
Mbretëria e Bashkuar deri më tani ka qenë më e goditura në rajon, me afro 15,000 raste të konfirmuara të Omicron të premten.
Franca mbylli kufijtë e saj për njerëzit që udhëtonin për biznes ose turizëm, me radhë të mëdha që u formuan në terminalet e Portit të Dover dhe Eurostar ndërsa njerëzit u përpoqën të hynin përpara se ndalimi të hynte në fuqi, raporton BBC.
Duke folur disa orë para hyrjes së rregullave të reja, Castex tha se kufizimet e udhëtimit ishin pjesë e një sërë masash që po merren për të frenuar valën e infeksioneve.