Ministria e Punëve të Brendshme (MPB) sot pasdite njofton se ka ndaluar një person në kuadër të procesit të zgjedhjeve presidenciale.
Ngjarja ka ndodhur në Ohër, ndërsa i arrestuari i cili për shkak të veprimit të tij tashmë do të mbajë përgjegjësi para organeve kompetente.
Policia në Ohër sot në orën 12:15 ka ndaluar personin A.I (48) nga Ohri, pasi ka fotografuar fletëvotimin në vendvotimin numër 1271 në Ohër.
Siç njoftojnë nga SPB Ohër, pas dokumentimit të plotë të rastit ndaj tij do të bëhet kallëzim përkatës.