KESCO në bashkëpunim me platformën shtetërore eKosova kanë krijuar mundësinë e pagesave të energjisë elektrike, por edhe për ta shikuar atë në mënyrë digjitale. Përpos pagesave në arkat tona, institucioneve financiare bankare dhe jobankare si dhe aplikacionit eKesco, qytetarët e Kosovës dhe bashkëqytetarët nga diaspora, mund të kryejnë pagesat shpejt dhe lehtë edhe pëmes kësaj platforme.
Vlenë të theksohet që për ta realizuar pagesën e energjisë elektrike në eKosova, secili konsumatorë fillimisht duhet ta përzgjedhë distriktin, varësisht regjionit dhe më pas ta shkruajnë edhe shifrën e konsumatorit e cila është e veçantë dhe individuale për secilin. Psh: DPR 1234.
Pavarësisht se në cilën bankë jeni klient, mjafton të keni një kartelë VISA ose MasterCard, për të vazhduar me hapat që u kërkohen për t’a kryer pagesën. Banka që ju shfaqet gjatë kryerjes së pagesës është vetëm ndërmjetësues, dhe transaksioni juaj realizohet në kohë reale, pa tarifë shtesë.
Linku: https://ekosova.rks-gov.net/316
Ky shërbim i avancuar është krijuar me qëllim të lehtësimit të shërbimeve tona karshi konsumatorëve të kompanisë.
KESCO, energjia juaj!