Kryeministri i Kosovës, Albin Kurti bëri të ditur se do të ndahen 6.5 milionë euro për të subvencionuar tekstet dhe materialet shkollore për nxënësit e shkollave.
“Për arsim do të ndajmë 6.5 milionë euro për të kompletuar shumën e nevojshme për subvencionimin e teksteve dhe materialeve shkollore”, tha Kurti.
Dje ministrja Nagavci, në një konferencë për media, bëri të ditur se edhe këtë vit do të jetë praktika e njëjtë si në vitin e kaluar, pra prindërit do t’i blejnë librat e më pas do të subvencionohen.
Për fëmijët nga klasa e parë në të pestën shuma e subvencionimit do të jetë 80 euro, ndërsa për 6-9 do të jetë 110 euro.