Kryeshefi ekzekutiv i ngrohtores “Termokos”, Fisnik Osmani tregoi që bashku me bordin e drejtorëve të Termokosit ka takuar sot kryetarin e Komunës së Prishtinës, Përparim Rama.
Osmani, përmes një postimi në Facebook, tha se me Ramën kanë diskutuar rreth përgatitjeve të cilat i ka bërë ndërmarrja për fillimin e sezonës së re ngrohëse dhe projektet kapitale.
“Përkrahja që Kryeqyteti Prishtina po i jep Termokos në vazhdimësi, është vendimtare në transformimin e sistemit të energjisë termike për Prishtinën!”, shkroi ai.
“Prioriteti ynë është zgjerimi i rrjetit të ngrohjes – deri në mbulueshmërinë e të gjithë Prishtinës me ngrohje. Termokos, po i jep kuptim Prishtinës së gjelbër!”, tha Osmani.