Ministri i Punëve të Jashtme, Nikola Selakoviq, ka deklaruar se “fakti që Serbia nuk u përgjigjet presioneve për Kosovën dhe Republikën Serbe dhe provokimeve të ndryshme, nuk do të thotë se është e dobët, por se ndonjëherë është më e mençur të heshtësh”, ka kumtuar Ministria serbe Punët e Jashtme.
Ai për TV Pink ka thënë se është e rëndësishme që “Serbia të zhvillohet me shpejtësi dhe ndaj provokimeve reagon duke forcuar besueshmërinë dhe pozitën e saj”.
Sipas tij, më e rëndësishmja është që “Serbia në periudhën e ardhshme të ruajë trendin rritjes së zhvillimit, që jep rezultate serioze”.
“Presidenti Vuçiq e ka thënë qartë se si bëhet kjo. Detyra jonë është ta ndjekim presidentin tonë dhe të përhapim tregimin e mirë për ne dhe të tërheqim investime të reja”, nuk harron Selakoviqi të shprehë servilizmin ndaj shefit të tij, dhe vazhdon duke deklaruar se kriza energjetike tregon se “sa e mirë dhe korrekte është politika e udhëhequr nga presidenti ynë Aleksandar Vuçiq” duke pretenduar se “fokusi i kësaj politike është interesi i Serbisë dhe qytetarëve të saj”./Paparaci