Skuadra e Milanit ka arritur të marrë fitoren e parë në formatin e ri të Ligës së Kampionëve. “Rossonerët” mposhtën skuadrën e Brugge, me rezultat 3:1.
Milani dhuroi spektakël para tifozëve vendas, duke nisur ecurinë e golave në minutën e 34-të.
Christian Pulisiq shënoi një supergol duke shënuar direkt nga goditja e këndit.
Brugge mbeti me një futbollist më pak pasi që Onyedika u ndëshkua me karton të kuq në minutën e 40-të dhe e kishte të pamundur të përmbyste epërsinë e milanistëve, ndonëse arritën ta barazonin rezultatin në minutën e 51-të me Sabbe.
10 minuta pas golit të barazimit, Reijnders shënoi gol, për të rikthyer epërsinë e Milanit.
Mesfushori holandez shënoi përsëri pas 10 minutave, në minutën e 71-të, për ta dyfishuar epërsinë.
Milan shënoi edhe një tjetër gol me talentin 16-vjeçar Camarda, por goli i tij u anulua pas rishikimit të VAR-it për shkak të pozicionit jashtë loje.
Për Milanin kjo është fitorja e parë në Ligën e Kampionëve pas tri ndeshjeve të zhvilluara.