Mjegulla e smogu e kanë pushtuar Prishtinën dhe vende të tjera anekënd Kosovës.
Organizata që merret me mbrojtje të ambientit, Let’s do It Kosova vlerëson se hudhja e pakontrolluar e mjeteve piroteknike bashkë me faktorë të tjerë, i ka kontribuuar kësaj situate.
“Hudhja e pakontrolluar e fishekzjarreve dhe mjeteve tjera pirotetknike, përdorimi i thëngjillit për djegie, makinat e vjetra, ndërtime dhe hudhja e mbeturinave janë vetëm disa nga shkaqet që na kanë sjellur këtu. Fatkeqësisht, Institucionet kanë dështuar të vendosin rregulla dhe masa mbrojtëse, ndërsa shumë prej nesh, qytetarët, vazhdojmë të ndotim pa menduar për pasojat”, thuhet në një reagim.
Kjo organizatë tutje ka shprehur dy kërkesa për institucionet, në mënyrë që ta luftojnë këtë gjendje.
“Koha për të vepruar është tani! Ne kërkojmë nga institucionet që të ndalojnë aktivitetet që rrisin ndotjen dhe të zbatojnë politika më të rrepta për mbrojtjen e mjedisit.
Por edhe ne, qytetarët, duhet të ndalemi dhe të mendojmë ,çdo veprim ka një pasojë.
E ardhmja jonë varet nga veprimet tona sot”, thuhet në reagim.