Kandidatja për deputete nga radhët e Lidhjes Demokratike të Kosovës, Rrezarta Krasniqi, e ka cilësuar si mashtrues kryeministrin Albin Kurti.
Krejt këtë reagim, Krasniqi e ka bërë pasi që Kurti deklaroi se Marrëveshja e Washingtonit e arritur nga Avdullah Hoti ishte e duhur.
Sipas Krasniqit, Kurti ka mashtruar për 4 vite dhe se populli do ta kujtojë atë si një mashtrues
“Pas 4 viteve mashtrim Kryeministri Kurti e pranoi që Marrëveshja e Washingtonit ishte e duhur. Kauza politike e Kurtit ishte sulm brutal ndaj kësaj marrëveshje, madje duke e quajtur edhe tradhëti. Sot, në media ndërkombëtare deklaron se, marrëveshja e Washingtonit sjellë stabilitet. Mashtruesi ka emër dhe ai quhet Albin Kurti. Do të mbahesh mend si kryeministri më mashtrues në vend. LDK-ja është zgjidhja e vetme për stabilitet ndërkombëtar, politik dhe ekonomik. Bashkë do ta bëjmë ndryshimin”, thuhet në postimin e Krasniqit.