Klan Kosova dhe organizata Pipos kanë publikuar rezultatet e EXIT POLL-it për zgjedhjet e 9 shkurtit, sipas të cilave Vetëvendosje del të jetë subjekti i parë.
Sipas EXIT POLL-it, Vetëvendosje ka fituar 38.2 për qind të votave në zgjedhje.
Partia Demokratike e Kosovës është renditur subjekti i dytë më i votuar në zgjedhjet parlamentare, sipas EXIT POLL-it të Klan Kosova dhe Pipos. PDK-ja, do të marrë 22.4 për qind të votave, sipas sondazhit.
Lidhja Demokratike e Kosovës, e udhëhequr nga Lumir Abdixhiku, është renditur e treta me 20.1 për qind të votave.
AAK-ja do t’i fitoi 7.6 për qind të votave, sipas këtij projeksioni.
Votat e diasporës nuk janë të llogaritura në këtë EXIT POLL.
Marzha e gabimit të anketës është 3 për qind, ka thënë sot Fisnik Halimi, udhëheqës i organizatës Pipos.