Analisti e gazetari i sportit, Kastriot Kasumi, e ka cilësuar tradhti ndaj trajnerit Afrim Tovërlani, veprimin e Brrutit për ta përfaqësuar Shqipërinë.
Sipas Kasumit, Brruti e ka marrë këtë veprim vetëm për ta siguruar pasaportën shqiptare.
Kasumi ka deklaruar se kampi i kombëtares shqiptare i ka premtuar Brrutit minuta në Kampionatin Evropian.
“Ka dalë për interes tvetin, këto tjerat janë vetëm pallavra. Ka zgjedhur Shqipërinë vetëm për pasaportë. Premtimi për minuta në Kampionatin Evropian është premtim i kotë, nuk mundesh me i siguru një futbollisti një gjë të tillë”, ka thënë Kasumi në Tëvë1.
Etnik Brruti, kapiten i Kosovës U21 bëri të ditur dje se tani e tutje do të luaj për Shqipërinë.