Mërgimtarët që janë duke ardhur në Kosovë po përballen me kolona dhe pritje të gjata në kufirin Kosovë-Serbi.
Sipas të dhënave të Qendrës Kombëtare për Menaxhim Kufitar, kolonat më të gjata janë në pikën kufitare Merdar, ku pritjet po zgjasin katër deri në pesë orë.
Kolona të gjata ka edhe në pikat tjera kufitare si Mutivodë, ku pritjet janë deri në një orë e gjysmë.
Në Jarinë ka rreth një orë pritje, kurse në Muqibabë 40 minuta. Te pika kufitare Dheu i Bardhë sonte pritja është gjysmë ore.
Në vendkalimet e tjera kufitare të Kosovës me vendet fqinje nuk ka pritje më shumë se 5 minuta në hyrje dhe dalje.