Kryeministri i Kosovës, Albin Kurti, e ka pranuar publikisht një lëshim në një postim të mëhershëm lidhur me rezultatet e zgjedhjeve parlamentare të vitit 2025.
Kurti, të shtunën e publikoi një hartë me komunat në të cilat Vetëvendosje e fitoi shumicën e votave.
Por, në këtë hartë e paraqiti Komunën e Klinës si komunë në të cilën fitoi opozita.
Por, sot ai tha se e ka bërë një lëshim dhe se këtë komunë, sipas votave me kusht dhe atyre nga diaspora, në fakt e ka fituar Lëvizja Vetëvendosje.
“Ju kërkoj falje për këtë lëshim. Ju faleminderit për përkrahjen,” ka shkruar Kurti në postimin e tij.
Sipas përditësimeve, LVV ka fituar në 22 komuna, PDK në dy, LDK në një, AAK me Nismën Socialdemokrate në dy, KDTP në një, ndërsa LS në dhjetë.