Policia përmes një postimi në Facebook ka bërë të ditur që ka shqiptuar 500 euro gjobë për një person në Ferizaj që kishte tejkaluar shpejtësinë e vendosur në shenjat e trafikut.
“Pasditen e djeshme, kanë ndaluar personin i cili me automjetin e tij të udhëtarëve shkaktoi kundërvajtje në komunikacion, tejkalim i shpejtësisë në rrugën ‘’Gursel e Bajram Sylejmani’’ në Ferizaj, ku në zonën e kufizimit 40 km/h zhvilloi shpejtësi 106 km/h”, thuhet në njoftimin e policisë.
Sipas policisë zona e kufizimit për rrugën ‘’Gursel e Bajram Sylejmani’’, në Ferizaj është 40km/h kurse personi në fjalë kishte ngasur veturën e tij me shpejtësi deri në 106 km/h, përveç shqiptimit të gjobës policia të njëjtit i kishte vendosur 5 pikë obligative në patentë shoferin e tij dhe po ashtu edhe 1 vit masë mbrojtse.
“Në lidhje me këtë, policia ndaj shoferit me inicialet S.S (M/K) i moshës 38 vjeçar i shqiptoi një gjobë, sipas ligjit të komunikacionit rrugor, 500 euro , 5 pikë negative dhe 1 vit masë mbrojtëse ( heqje e patentë shoferit). Ai në tërësi e pranoi kundërvatjen e shkaktuar”, deklaron tutje policia.
Me këtë rast, Drejtoria Rajonale e Policisë në Ferizaj, ka apeluar te shoferët e automjeteve që të respektojnë shpejtësinë e kufizuar të lëvizjes.