Mbrëmë rreth orës 20:45, në Zubin Potok është regjistruar një rast i vetëplagosjes me armë zjarri.
Sipas njoftimit, personi ka pësuar lëndime që ia ka shkaktuar vetes. Policia ka sekuestruar armën e zjarrit në vendin e ngjarjes, ndërsa i lënduari, pas ndihmës së ofruar mjekësore, është liruar nga institucioni shëndetësor.
Për rastin është njoftuar prokurori kompetent, ndërsa hetimet po i udhëheq njësia përkatëse policore.
Policia nuk ka dhënë detaje shtesë mbi rrethanat e rastit, ndërsa hetimet janë në zhvillim e sipër./Paparaci.com