Kosova deri në orët e pasdites të shtunën ka importuar energji elektrike nga Serbia.
Sipas të dhënave për energjinë elektrike, 59.32 për qind e rrymës në Kosovë deri në orën 17:00 është importuar nga Serbia.
Në faqen e matjeve për energjinë elektrike “Electricity Maps”, të dhënat tregojnë se 361 megavat janë importuar nga Serbia.
Ndërkaq, 21.8 për qind e energjisë elektrike është duke u importuar nga Mali i Zi.
Nga Shqipëria është importuar vetëm 1.87 për qind e energjisë elektrike.
Kompania Kosovare për Distribuim të Energjisë (KESCO) ka njoftuar se prodhimi i energjisë elektrike nga KEK-u vazhdon të jetë i kufizuar, me vetëm njësi që është duke prodhuar rrymë.
Sipas njoftimit për media të shtunën, KESCO bëri të ditur se kërkesat e konsumatorëve për energji elektrike janë duke u mbuluar përmes importit.
KESCO kishte njoftuar dje se ditëve në vazhdim rryma do të importohet për shkak të rënies së KEK-ut, megjithatë një njoftim i tillë ishte demantuar nga korporata më e madhe në vend.
Sipas KEK-ut, njësitë e termocentraleve Kosova A dhe Kosova B po përballen me defekte teknike “të paplanifikuara dhe të vështira për t’u parashikuar me saktësi”.