Qeveria në detyrë e Kosovës ka ndarë afër 630 mijë euro fonde për mbështetjen e shqiptarëve në Luginën e Preshevës.
Në mbledhjen e mbajtur të premten, qeveria në detyrë miratoi vendimin për ndarjen e saktësisht 626,400.00 euro për mbështetjen e arsimit dhe lobimit institucional për shqiptarët në Preshevë, Bujanovc dhe Medvegjë.
Vendimi është miratuar unanimisht nga kabineti qeveritar, raporton Paparaci.
Fondi përfshin ndarjen e bursave për studentë, mbështetje për nxënësit dhe financim të aktiviteteve lobuese dhe avokuese në nivel ndërkombëtar.