Presidentja e Kosovës, Vjosa Osmani është pritur sot me nderime të larta në Rigë të Letonisë nga homologu i saj Edgar Rinkevics.
Presidenti letonez dhe Osmani kanë mbajtur një konferencë për media në pallatin presidencial në Rigë sot pas takimit.
Vizita e Osmanit në Rigë vjen katër muaj pas qëndrimit të Rinkevics në një vizitë zyrtare në Kosovë.
Rreth një javë pas asaj vizite, emri i Rinkevics u ndërlidh sërish me Kosovën. Por, në një rast komik.
Në fund të muajit mars, dy komedianë rusë të prezantuar si Rinkevics e vendosën në lajthitje kryeministrin e Kosovës, Albin Kurti.
Dy komendianët arritën që të lidhen në video-lidhje me kryeministrin Kurti duke u prezantuar si presidenti letonez.
Në videon e publikuar nga dy komedianët “Vovan & Lexus”, Kurti dëgjohet teksa ankohet se ndaj tij ka pasur luftë hibride. Thotë se lufta e tillë është bërë kryesisht nga Serbia, Rusia “por edhe elementë të tyre brenda Kosovës”.