Presidentja Vjosa Osmani ka thënë se në Gjykatën Kushtetuese nuk e ka bërë kërkesë që të vlerësohet edhe çështja e votimit të fshehtë.
Në konferencën për media, Osmani ka thënë se PDK-ja dhe LDK-ja tashmë kanë bërë kërkesa për votimin e fshehtë.
“Nuk e kemi trajtuar çështjen e votimit të fshehtë. Nuk kemi menduar se është e nevojshme që ta trefishojmë kërkesën e njëjtë nga PDK-ja dhe LDK-ja. Kërkesat tashmë janë duke u trajtuar nga Gjykata Kushtetuese, por shpresojmë shumë që edhe për këtë çështje të ketë përgjigje”, ka thënë Osmani.