Kryetari i Prizrenit, Shaqir Totaj ka deklaruar se LDK-ja i ka ndihmuar për fitoren e tij në këtë komunë, teksa shtoi se problemet në degë pamundësuan bashkëqeverisjen me këtë subjekt politik.
“Sa i përket LDK-së unë kam pritur që të kemi një përfundim të suksesshëm të bisedimeve, mirëpo pas dhënies së dorëheqjes së zotit Qunit, na u komplikua çështja se dega e LDK-së në Prizren nuk kishte lidership dhe ishte pak a shume e shkapërderdhur dhe kjo e pamundësojë arritjen e një koalicioni”.
“Publikisht dëshirojë ta falënderojë LDK-në, sepse me të vërtetë na kanë ndihmuar, edhe pse formalisht kanë qenë neutral, ne kemi pasur shumë kontakte, e di që janë angazhuar, na kanë ndihmuar, dhe për këto arsye kam qenë i interesuar për koalicion por ja që nuk arritëm”, tha ai në ATV.