Kandidati i AAK-së për Gjakovën, Ardian Gjini ka bërë të ditur se ka nisur ndërtimi i parkut rekreativ-sportiv dhe amfiteatrit veror.
Ai ka thënë se është pjesë e plotësimit të hartës gjithëpërfshirëse të investimeve të Komunës së Gjakovës.
“Sot radhën e pati fshati Korenicë”, ka thënë Gjini.
“Aty nisëm ndërtimin e parkut rekreativ-sportiv dhe amfiteatrit veror. Një hapësirë e re që shumë shpejt do të bëhet pikëtakim i gjeneratave dhe frymëzim për komunitetin”, ka thënë kryetari aktual i Gjakovës.
Vlera e investimit komunal: 42 mijë e 777 euro.
“Ky projekt është pjesë e buxhetimit me pjesëmarrje, ashtu si edhe tereni sportiv në Rogovë dhe parku i lodrave në Bllokun e Ri , të cilat poashtu janë në fazën e implementimit. Gjakova po transformohet”, ka thënë ai.