Ruzhdi Shehu: “Rruga Junik–Gjeravicë, një ëndërr e realizuar për junikasit”

Kryetari i Komunës së Junikut dhe kandidati i Lidhjes Demokratike të Kosovës (LDK) për një mandat të ri, Ruzhdi Shehu, ka njoftuar për përfundimin e projektit të rrugës Junik–Gjeravicë.

Shehu tha se ky projekt ka qenë një ëndërr e kahmotshme e qytetarëve të Junikut, e cila tashmë është bërë realitet gjatë mandatit të tij të parë.

“Gjatë mandatit të parë, kemi ndërtuar rrugën e bjeshkës Junik – Gjeravicë. Ky projekt ka qenë ëndërr e të gjithë junikasve, për të cilën Juniku ka pritur që nga paslufta. Sot kjo rrugë është realitet, një premtim tjetër i mbajtur para junikasve. Urime Junik!”, ka shkruar Shehu në një postim në rrjetet sociale.