Kandidati për kryetar të Gjilanit, Arbër Ismajli, zhvilloi një tubim të fuqishëm me pjesëtarë të familjes Guda dhe shumë qytetarë e mbështetës.
Ismajli e përshkroi këtë mbrëmje si një dëshmi të qartë të frymës së bashkimit dhe besimit në projektin e tij për një Gjilan të ri, duke theksuar rëndësinë e vlerave si transparenca, llogaridhënia dhe zhvillimi ekonomik. Ai falënderoi në mënyrë të veçantë familjen Guda, një familje me traditë dhe kontribut të madh në jetën qytetare të Gjilanit.
“Kur bashkohet zemra me angazhimin, ndryshimi bëhet i pashmangshëm,” u shpreh Ismajli, duke lavdëruar mikun e tij, Dr. Besim Guda, për mbështetjen dhe fjalët frymëzuese, si dhe duke vlerësuar lartë kandidatin për Asamblenë Komunale, Fitim Gudën, për përkushtimin dhe integritetin e tij.
“Gjilani po zgjohet. Ndryshimi është i domosdoshëm. Vetëm të bashkuar do ta bëjmë Gjilanin qytet të shpresës, besës dhe aspiratave tona,” përfundoi Ismajli.