Kandidati i LDK-së për kryetar të komunës së Istogut, Ilir Ferati, ka prezantuar vizionin e tij për një Istog mikpritës, me bujqësi të zhvilluar dhe zhvillim të qëndrueshëm, duke e vendosur natyrën dhe tokën në qendër të planifikimit komunal.
Në një postim në Facebook, Ferati thekson se plani i tij për të ardhmen e komunës ndërtohet mbi lidhjen e fortë mes tokës që prodhon dhe natyrës që frymëzon, si dy shtylla kryesore të zhvillimit lokal.
“Plani jonë për Istogun mikpritës dhe me bujqësi të zhvilluar ndërtohet mbi lidhjen mes tokës që prodhon dhe natyrës që frymëzon, duke e kthyer Istogun në një model të zhvillimit të gjelbër, gjithëpërfshirës dhe të qëndrueshëm për të gjithë,” u shpreh Ferati.