Kryetari i Ferizajt, Agim Aliu, ka ndarë momente të veçanta nga një bashkëbisedë me personalitete të shquara të muzikës ferizajase, duke i cilësuar ata si emra që kanë lartësuar artin dhe kulturën shqiptare përtej kufijve.
“Gjithmonë kënaqësi e privilegj i veçantë të ndaj çaste të këndshme bashkëbisede me personalitete ikonike të Ferizajt, emra të shquar të fushës së muzikës që me punën, talentin e dijet e tyre, dhanë shumë, na bënë krenarë e lartësuan artin muzikor në gjithë gjeografinë shqiptare e përtej,” u shpreh Aliu.
Me këtë takim, kryetari Aliu theksoi rëndësinë e ruajtjes dhe vlerësimit të trashëgimisë kulturore, si dhe mbështetjen e vazhdueshme për artistët që kanë kontribuar në ndërtimin e identitetit artistik të qytetit dhe më gjerë.
Ferizaj vazhdon të jetë një vatër e rëndësishme e kulturës dhe muzikës shqiptare, me figura të cilat, siç tha Aliu, “janë ambasadorë të vërtetë të shpirtit tonë artistik”.